حوار صحفي مع الرسام عمار ياسر.

 السلام عليكم أنا الصحفية/ أشرقت سعيد.

_ممكن الموافقة أني أعمل حوار صحفي معاك؟

- : أه طبعًا اتفضلي.

_ممكن تعرف نفسك في بضعة سطور؟

-: أنا عمار ياسر رسام من الصعيد وبالتحديد محافظة سوهاج.

_ ممكن تقولنا بدأت الرسم أمتى؟

- : بدأت الرسم من قبل الدراسة وقبل المدرسة ودا لأني كنت بحب الألوان جدًا والكرتون فاكنت برسم أي كرتون بحبه واشخبط كتير بالألوان.

_مين أكتر الشخصيات اللي قابلتك ف مجال الرسم وأثرت فيك كرسام؟

-: قابلت شخصيات كتير ف مجال الرسم منهم صحابي بصراحة هما أكتر ناس بتأثر فيا ودا لأن صديقي يوسف بيرسم زيي وبنشجع بعض وكمان تيم ارديبا كلنا فيه بنرسم بمستويات مختلفة وادوات مختلفة كمان.

_هل واجهت صعوبات ف المجال؟ وازاي تخطيتها واتعاملت معاها؟

- : أكتر صعوبة ممكن تقابل أي حد بحاول يرسم هي انقطاع الشغف وانه يستعجل النتايج للرسم ميبقاش عنده صبر والمفروض ان الفنانين بيكون عندهم صبر وهدوء علشان النتيجة تكون أفضل من اللي محتاجها.

_بالنسبالك الرسم هواية أو موهبة ولا ممكن أي شخص يرسم عادي؟

- : بالنسبالي الصراحة الرسم هواية وموهبة وحرفة وساعات بيكون هو الوظيفة ومصدر الدخل فا أكيد أي شخص يقدر يرسم ويتعلم الرسم ويكون محترف كمان بس كل واحد بيختلف بطريقته واسلوبه وفنه ع الورق طبعًا.

_من رأيك الرسام المثالي أو الناجح بيتصف ب أي؟

- : الرسام المثالي والناجح أكيد بيتصق بأنه دائم الشغل يعني مينقطعش فترة ويرجع وانه دايمًا يحاول يطور من نفسه ويحقق حلمه.

_مين وقف جمبك وشجعك ف أول خطوة ليك ف المجال؟

- : أهلي هما اللي شجعوني أني أرسم من طفولتي طبعًا وحابين الموضوع ولما كبرت بقى اصدقائي هما اللي بقى ليهم الدور في تشجيعي طبعًا.

_كلمنا عن إنجازاتك؟

- : أهم انجازاتي ف الرسم اني اخدت اول شهادة تقدير في حياتي من الحضانة كنت 5 سنين وقتها واخدت شهادة لحصولي على المركز الأول في مسابقة رسم احداث 25 يناير.

_وجه كلمة للرسامين؟

- : أحب أقول للرسامين أنهم دايمًا يبقوا ضد الأراء السلبية وضد أي حد يقلل من فنهم ولوحاتهم مهما كان المستوى لأن كل واحد ليه اسلوبه اللي هينجح بيه مع الوقت إن شاء الله.

_كلمة أخيرة نختم بيها الحوار الصحفي؟

-: وأخيرًا أحب أشكر الصحفية أشرقت سعيد على حوارها وتواضعها وطبعًا اتقدم بالشكر لجريدة القاهرة الآن وكل العاملين عليها.

تابعوني على

 https://instagram.com/ammar.art1?igshid=YmMyMTA2M2Y=